Уус-Алдан улууһугар культура отдела тэриллибитэ 80 сылыгар анаммыт декада чэрчитинэн, кулун тутар 20 күнүгэр, Уһун-Күөллээҕи » Аргыс» сынньалаҥ киинигэр *“Культура көмүс көлүөнэтин кэхтибэт талааннара”* диэн олохторун кэрэ эйгэҕэ анаабыт култуура бэтэрээннэрин кэнсиэрэ дохсун ытыс тыаһынан доҕуһуолланан биир тыынынан буолан ааста. Бу күн олохтоохтор араас кэм чаҕылхай сулустарын биир сценаҕа, биир кэнсиэргэ тутан олорон көрбүттэриттэн улахан дуоһуйууну ыллылар, астыннылар. Ол курдук: Клавдия Мурукова (Танда), Саргылана Константинова (Борогон), Вера Бурнашева (Танда), Петр Черкашин (Тумул), Александра Портнягина (Сыырдаах), Петр Нафанаилов (Кэптэни),Егор Лугинов(Кэптэни). Билигин да үлэ үөһүгэр сылдьар бэтэрээннэр:Константин Иванов (Майагас), Ульяна Босикова (Дүпсүн), Анна Попова (Танда), Евдокия Карамзина (Арыылаах), Александра Саввина (Арыылаах), Анастасия Сухонина (Тумул)Боро5онтон:Валентина Варламова, Иннокентий Готовцев, Марфа Алексеева, Матрена Герасимова, Матрена Готовцева, Мария Иванова, Анна Лугинова сүрэҕи үөрдэр, санааны көтөҕөр, дууһаны сылаанньытар сылаас истиҥ киэһэни бэлэхтээтилэр.
Сынньалаҥ кэмигэр ыалдьыттар, олохтоохтор оскуола уонна нэһилиэк кыраайы үөрэтэр түмэлигэр, улуус уонна Уһун-Күөл култуура эйгэтин сырдатар экспозицияҕа ыалдьыттаатылар.Урукку кулууп үлэтин көрдөрөр хаартыскалары, «Музыка нас связала» ретро-быыстапканы көрдүлэр.
Кэрэ киэһэни, сынньалаҥы, кэрэттэн дуоһуйууну бэлэхтээбит культура улэһиттэригэр, кэхтибэт талааннарыгар сүгурүйэбит, махтанабыт.
