Сэтинньи 27 күнүгэр, Уһун Күөлбүтүгэр өтөрүнэн буолбатах сонун, дириҥ ис хоһоонноох тэрээһин үрдүк таһымнаахтык буолан ааста. Ол курдук, СР Үөрэҕириитин Туйгуна, «Үөрэнээччи биһириир учуутала» республиканскай күрэх кыайыылаа5а, педагогическай Үлэ ветерана Валентина Васильевна Стрекаловская *»Олох сылаас тыынынан угутаммыт хоьооннор»* диэн маҥнайгы хоһооннорун хомуурунньугун презентацията тэрилиннэ. Истиҥ- иһирэх тэрээһиҥҥэ I-Өспөх нэһилиэгин дьаһалтата, оскуолабыт коллектива, үөрэннээччилэрэ, «Аргыс» сынньалаҥ киинин үлэьиттэрэ, нэһилиэк олохтоохторо уонна Валентина Васильевна дьиэ-кэргэнэ кыттыыны ыллылар, автор хоһоонноруттан аахтылар, үтүө баҕа санааларын анаатылар. Валентина Васильевна өр сылларга оскуолаҕа саха тылын уонна литературатын учууталынан улэлээн кэллэ, бу сыллар тухары оҕолору кэрэ эйгэ5э уһуйан, үтүөҕэ сырдыкка угуйан кэллэ5э. Айар талааннаах киһи барытыгар сыста5ас буолар дииллэринии, Валентина Васильевна хоһоону суруйарын таһынан өбүгэ үтүө угэһин дьарык оҥостон туоһунан араас иһиттэри тигэр, иистэнэр, уруһуйдуур. Бу күн үлэлэрин быыстапката тардыллан дьон хараҕын сымнатта, сылаас иэйиини уһугуннарда. Быыстапка5а кинигэ уруһуйун автора, Ф.И. Авдеева- аатынан О5о дыбарыаһын эбии үөрэхтээһин киинин педагога Лена Васильевна Пинигина (Валентина Васильевна бииргэ төрөөбүт балта) уруһуйдара эмиэ туран дьон сэҥээриитин ылла. Кэлбит дьон үгүһү билэн-көрөн, хомуурунньуктан викторина5а кыттан, дууһалыын сынньанан, кинигэ бэлэх тутан астынан тарҕастылар.
Валентина Васильевна5а өссө да айар талаанын арыллан, туппутун тупсан истин диэн алгыспытын аныыбыт, дьиэ кэргэҥҥэр дьолу, үлэ5эр өрө дабайыылары ба5арабыт.
