Бүгүн, муус устар 30 күнүгэр 1-кы Өспөх нэһилиэгэр уопсай ырааһырдыы субуотунньуга биллэриллэн, олохтоохтор, тэрилтэ үлэһиттэрэ көхтөөх кыттыыны ыллылар. 1-кы Өспөх нэһилиэгин баһылыга Домотов М.И. салалталаах, Уһун-Күөллээҕи ЖКХ участагын эр дьоно, «Чуораанчык» уһуйаан коллектива, Н.Н.Оллонов аатынан Уһун-Күөллээ5и оскуола улэһиттэрэ, «Аргыс» сынньалан киинин, администрация уонна кыра тэрилтэлэр улэһиттэрэ, биирдиилээн дьон туора турбакка түмсүүлээхтик кытыннылар. Олохтоох дьаһалта тракторынан Жирков Д.И. ону тэнэ чааһынай прицептээх трактордар Жирков А.А, Жирков П.А., Копырин И.С., Домотов С.П., Олесов С.И., Жирков П.П., Васильев И.Р., утары тиэйии үлэтин күүстээхтик үмүрү туттулар. Нэһилиэкпит центральнай уулуссалара, тэрилтэлэр ис-тас территориялара, саҥа тутулла турар уопсай дьиэлэр тастара, киирии аркалар, күөл урдэ, трасса кытыылара, уонна свалка хомуллан, 70 киһи, 8 техника кыттыылаах, кыайыылаах-хотуулаах, күргүөмнээх үлэ таҕыста. Күөх май бырааһынньыгын, ону тэҥэ Улуу Кыайыы 80 сылын көрсө ырааһырдыы субуотунньуга бэрт көдьүүстээхтик ыытылынна. Бүгүнҥҥү субуотунньукка кыттыыны ылбыт хас биирдии Уһун-Күөлбүт олохтооҕор, тэрилтэ улэһиттэригэр, уһун кыһыны быһа мунньуллубут бөҕү-саҕы ыраастааһыҥҥа, хомуйууга, тиэйиигэ кыттыбыт, бүттүүн өрө туран үлэни үмүрү тардыбыт, нэһилиэкпит күүстээх аҥардарыгар, эр дьоммутугар бука барыгытыгар 1-кы Өспөх нэһилиэгин олохтоох бэйэни салайыныы дьаһалтатын аатыттан махталбытын биллэрэбит, инникитин да бу курдук түмсүүлээх буолуохха.
