«Бүттүүн уруһуйдуубут» барыйыак кубога 1-кы Өспөх нэһилиэгэр!
Бүгүн о.э. сэтинньи 11 күнүгэр 1-кы Өспөх нэһилиэгэр Саха өрөспүүбүлүкэтин бастакы бэрэсидьиэнэ Михаил Ефимович Николаев «Бүттүүн уруһуйдуубут» барыйыак эстафетатын Кубогын үөрүүлээх быһыыга — майгыга Лөгөй нэһилиэгин баһылыгын солбуйааччыта Владимир Валерьевич Петров кэлэн, 1-кы Өспөх баһылыгын солбуйааччытыгар Дусиван Иванович Жирковка туттарда.
Олохтоох дьаһалта аатыттан Дусиван Иванович «Чуораанчык» оҕо уһуйааныгар уонна оскуола технология кылааһыгар 5000-тии тыһыынча сууммалаах, араас уруһуйдуурга аналлаах маллары ыларга сертификаттары туттарда.
Бырайыак сүрүн сыала-соруга : Кэлэр көлүөнэ ыччаты кэрэ5э угуйуу, оҕону бары өттүнэн сайыннарыы буолар.
Бу барыйыак чэрчитинэн нэһилиэкпитигэр араас тэрээһиннэр былаан быһыытынан ыытыллаллар:
Выставкага «Чуораанчык» оҕо уһуйаанын, Оскуола оҕолорун ону тэҥэ нэһилиэкпит талба талааннаахтарын уруһуйдара, оҥоһуктара турда
Варвара Петровна Жиркова;
Михаил Алексеевич Копырин;
Наталья Михайловна Стрекаловская;
Оксана Николаевна, Петр Семенович Гуляевтар;
Гаврил Гаврильевич Иванов;
Саргылана Ивановна Копырина;
Лена Михайловна Старостина;
Сахая Романовна Куприянова;
Максимова Ирина Гаврильевна;
Мариянна Николаевна Алексеева — библиотека сэдэх кинигэлэрин Аан дойду скульптордарын, художниктарын кинигэлэрин ууран оголор интириэстэрин күүскэ тарта;
Стрекаловская Н.М. бырайыагынан улууспут иһинэн ыытыллар алын кылаас оҕолоругар «Краски радуги» уруһуй күрэ5э.
Уран тарбахтаахтар маастар-кылаастара
Уһуйаанна, оскуолаҕа уонна дьиэ-кэргэҥҥэ «Уруһуй алыба» диэн тиэмэҕэ аһаҕас дьарыктар, уруоктар, аралдьытыылар ыытыллыахтара.
Икки күннээх «Бүттүүн уруһуйдуубут» бырайыак түмүгүнэн нэһилиэкпит олохтоохторо уопут атастаһан, элбэ5и билиэхпит-көрүөхпүт. Ылбыт билиибит о5олорбутун сайыннарыыга төһүү күүс буолуо диэн эрэнэбит.
