МУНИЦИПАЛЬНОЕ БЮДЖЕТНОЕ УЧРЕЖДЕНИЕ "УСУН-КЮЕЛЬСКИЙ ЦЕНТР ДОСУГА "АРГЫС" МУНИЦИПАЛЬНОГО ОБРАЗОВАНИЯ "ОСПЕХСКИЙ 1-Й НАСЛЕГ"

1-кы Өспөх нэһилиэгэр Кыайыы 77 сылын көрүстүбүт!

Кыайыы күнэ-

Сүүһүнэн мөлүйүөн

сүрэҕэ долгуйар

Өрөгөйдөөх күнэ!

Кыайыыны ситиспит ытык дьоммутугар Аҕа дойду Улуу сэриитин сылларыгар модун санааларын уонна килбиэннээх үлэлэригэр сүгүрүйэн туран ыам ыйын 9 күнүгэр 1-кы Өспөх нэһилиэгэр Кыайыы 77 сылын уруйдаан-айхаллаан көрүстүбүт! 

1-кы Өспөх нэһилиэгиттэн уоттаах сэриигэр 35 киһи ыҥырыллан барбыта. Кинилэритэн 12 буойун сэрии хонуутугар охтубута, 8 киһи сураҕа суох, 15 киһи төрөөбүт дойдутугар төннөн кэлэн, нэһилиэктэрин туһугар күүстэрин харыстаабакка үлэлээбиттэрэ. Билигин биһиги нэһилиэкпитигэр 2 тыыл ветерана, 1 сэрии бэтэрээнин огдообото, 6 сэрии оҕолоро олороллор. Улуу Кыайыы 77 сылын көрсө, нэһилиэкпит дьоно, оҕолоро парадка тахсан  Кыайыыны уһансыбыт дьоннорун мөһүөннэрин тутан «Өлбөт, сүппэт полк» хаамытыгар кыттыыны ыллылар. Ону таһынан кыайыы болуоссатыгар кэриэстэбил венок ууруута уонна мүнүүтэ холобурдаах саҥата суох турууннан кэриэстээн аастыбыт. Эҕэрдэ тыллар этилиннилэр, тыыл ветераннарыгар, сэрии кэмин оҕолоругар, сэрии бэтэрээнин огдооботугар өйдөбүнньүк бэлэх тэрилтэ салайааччылара туттардылар. Оскуола уонна  детсад оҕолоро сэрии саҕанааҕы ырыалары ыллаатылар, хоһоон аахтылар. Ол кэннэ «Полевая кухня» саллаат хааһытын амсайдылар. 

Күнүс «Аргыс» сынньалан киинигэр сэрии кэмнээҕи киинэлэр  «Журавли над ильменем», «Снайпер Саха» буолла. Сэрии ветеранын уонна тыыл ветеранын Оллонов Николай Иванович аатынан түөлбэлэр икки ардыларыгар хабылык, хаамыска, шашки күрэҕэ буолан ааста.

«Ол ааспыт сыл дуорааннара» Кыайыы күнүгэр уһуллубут театрелизованнай дьүһүйүү улахан экранна көһүннэ.

Кыайыы болуоссатыгар өйдөбүнньүк уоттары уурдулар. Ким да умнуллубат, туох да умнуллубат!

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>