Ахсынньы ый 12 күнүгэр «Аргыс» сынньалаҥ киинигэр нэһилиэкпит иһинэн «Доруобуйаларынан хааччахтаах дьоҥҥо» аналлаах *»ҮӨРҮҮ АРГЫСТААХ»* тэрээһин итии чэйдээх остуол тула олорон олус көхтөөхтүк ыытылынна. Бары кэлбит дьоммут, оголорбут олус сөбүлээн, элбэх оонньууга оонньоон, сэргэхсийэн, призтээх миэстэни ылан үөрэн-көтөн тарҕастылар. Тэрээһиҥҥэ нэһилиэкпит солбуйар баһылыга Дусиван Иванович эҕэрдэтин тиэртэ, администрация аатыттан акцияга кыттыһан Васильевтар, Афанасьевтар дьиэ -кэргэҥҥэ бэлэҕин туттарда уонна тус бэйэтин аатыттан Гуляев Илья Ильичка, Жирков Алексей Петровичка «Мүрү саһарҕата» хаьыакка сурутууну бэлэх уунна ыытыллыбыт «От сердца, к сердцу» акцияҕа бары нэһилиэкпит тэрилтэлэрэ көхтөөх кыттыыны ыллылар Олохтоох библиотекарь Мариянна Николаевна кырачаан кыргыттарга Айнараҕа, Туйаарымаҕа бэлэхтэрин туттарда, ону тэҥэ Гуляевтарга дьиэ кэргэҥҥэ «Ааҕар дьиэ-кэргэн» диэн «Мүрү саһаргата» хаһыакка сурутууну бэлэхтээтэ, «Аргыс» с/к киинэ Табырыынова Айнараҕа, Гуляева Туйаарымаҕа, Сивцев Юрийга, Илларионов Айаанҥа продуктанан бэлэх оҥордулар, «Чуораанчык» оҕо уһуйаанын коллектива бииргэ үлэлиир коллегаларыгар Галина Куприяноваҕа, Сардана Афанасьева кыыһыгар Дуняҕа продуктанан бэлэх оҥордо, «Н.Н.Оллонов» аатынан Уһун-Күөл орто оскуолатын «Оҕо саас» оҕолор түмсүүлэрэ бэйэлэрин сылаас, минньигэс астарынан дьиэгэ олорор Ушницкий Анемподист, Гурий, Семен Васильевтары күндүлээтилэр.
